【職場奇行種】


4. 小道消息

日期:2017-01-03

有人的地方便有是非,人愈多是非愈多,很多人喜歡在小公司工作,主要就是不想處理過份複雜的人事關係;可是,小公司的命運也只有兩種,第一種是經營不善倒閉,第二種是擴張變成大公司,然後充斥著人事問題。

阿傑聽著Google的說話,急不及待地問:「之後點呀?」

Google:「咪好似你而家所見,公司愈請愈多人,兩年間請咗超過二百人啦!」


「兩年間?」我難掩驚訝。

Google點了點頭:「唔係都唔會請咗你哋啦!」

我轉動了一下手中的原子筆,心中納悶著自己到底進了一間甚麼公司了。

突然,阿傑的一聲驚叫中斷了我的思路:「喂!有突發,快啲check email!」

我和Google二話不說地按動滑鼠,隨之而來我們都輕呼了一下,因為我們都竟收到公司內部電郵,指Betty因犯下嚴重錯誤遭解僱,即日離職!

「呢條八婆都抵死啦!出警告信畀我吖嗱!」阿傑高興地道。

但幾乎是同一時間,我的後方傳來兩下咳嗽聲:「咳咳!」

是Ray!

「傑少,好開心咩吓?」Ray拍了拍阿傑的肩膊,跟他一起進來的Jack返回了自己的座位。

阿傑惶恐地道:「咁……咁一個犯嚴重事故嘅員工,離開公司絕對係對公司有益!我為公司嘅前景而高興!」

Ray笑了笑:「咁佢又真係幾大鑊,竟然將Jerry team人嘅糧單周圍擺,又好死唔死畀Jerry知道;Jerry話要去咩私隱專員公署,老細唔想煩就梗係炒Betty啦!反正Betty都幫唔到咩手,Jerry係我哋挖角返嚟嘅人才,點都保住佢嘅!」

Jack回應道:「老細英明呀今次!」

Ray自信地邊笑邊回到他的座位:「Jerry會將舊公司嘅客帶埋過嚟,嚟緊公司會更加急速發展,大家都會好忙架啦,你哋畀心機!」

我沒有答話,卻見電腦屏幕上彈出Google的訊息:「你哋聽唔聽見,佢話『你哋』畀心機,冇佢份嘅。」

這時我才發現原來這是一個群組,有我、Google和阿傑三人,阿傑道:「佢一向都又懶又要領功架啦!」


我把對話框縮小,以免坐在我後方不遠處的Jack會看見。

過了五分鐘,Google又傳了訊息過來,我打開一看,是一段Google和Kinki的對話,Kinki竟然說Betty被解僱一事並不是這麼簡單!

原來每次當公司有事情發生,所有員工表面是在自己的座位默默工作,事實卻都在透過通訊軟件不停交換小道消息。