【職場奇行種】


3. 人力資源

日期:2016-12-30

上班的第一個星期,IT部的工作主要是外出買聖誕派對的禮物、訂購當日派對食品、準備佈置裝飾,還有設計當日要玩的集體遊戲。

我不是很介意做這種工作,只是覺得很奇怪這間公司的HR都在忙甚麼,終於有一天當Ray和Jack都不在時,我稍稍放下了戒心地問Google:「係呢?點解Christmas Party唔係HR搞嘅?」

Google卻說:「你知唔知咩叫HR?」

我道:「Human Resources囉!」

他道:「咪就係囉!全公司嘅Human,都係佢哋嘅resources,識做就梗係叫啲resources做啦,唔通佢哋自己做咩?」

我笑了笑:「明晒……係呢,你喺呢行做咗好耐?」

他托了托眼鏡,看看遠方說:「都有10年啦!我喺呢間公司都7年!」

「哇!咁你……?」我把本來想說的話硬生生吞了進肚子。

「你好出奇我點解重係普通programmer?」他眼鏡下的雙眼像是可以看透人心。

我尷尬地點了點頭。

「因為……富貴於我如浮雲。」他乾笑了兩聲,然後一本正經說:「因為我知自己唔係做管理嘅材料,我只識管理自己,自己一個人默默做就可以,我唔識管理人哋。」

我點了點頭,心中卻想著在我這十多年間一步一步從初級員工爬到小小經理的過程中,我雖然有高興於自己升職,但我始終不喜歡管理別人;在上一份工作中,我遇上了一個不合作但又沒有權力解僱的下屬,他的問題變成了我的問題,真是比做初級職員時還要慘。

就在我沉思之際,突然一直在電腦前沒有作聲的阿傑怒叫了出來:「屌!」

我和Google不禁把目光投向他,我們還未問,他就大叫來:「隻姣婆Betty都戇鳩架!我上次咪踢波扭親請咗日假睇醫生嘅,隻Betty唔批病假,而家扣咗我年假!」

「你有醫生紙架喎!點解唔批病假?」Google問。

「佢話腳傷又唔係真係病,應可以照返工喎!」阿傑氣憤地說。

Google說:「唔係咁仆街下哇,阿Ray嗰日都批咗你病假啦!」

「咁不如同返阿Ray講?」我說。

「冇用架!佢會話『少少事大家遷就下,唔緊要啦』咁!」阿傑說。

我的額角不禁滲出一點冷汗,這間公司比我過去的公司都更多員工福利(是否享用得到是另一回事),薪金也比市場平均的高;果然,事是必然是有因。

我問:「咁嗰日Jerry拍枱鬧完Betty,Betty有咩反應?」

Google說:「Betty睬佢都有味啦!警告信就畀硬,不過聽Kinki講,Jerry話唔會就咁算,我諗嚟緊有好戲睇……」

阿傑嘆了口氣:「Google,我都唔明你點解可以喺度做咁多年,我一年都就快頂唔順,如果唔係人工高過出面,我就……我就……」

Google把眼鏡脫下來,慢條斯理地用抹布邊抹邊說:「以前唔係咁架!我可以算係公司嘅開荒牛,當年公司冇Betty、冇Ray、冇你哋,計埋我先得十個人左右,當時成間公司氣份好好,好開心,之後……」