魂歸


15. 兩個趙師傅

日期:2019-05-23

「哇!點解咁慘架?哇哇!」那個Suki竟然大哭起來,而根叔也默默流淚;不過也不能怪他們,因為呂瑰的故事是如此沉重卻又真實,她的故事,正正是上一代香港人的故事,也就是很多人父母的故事。

我們每一個都沉默不語,就在這時,我發現趙師傅原來並不在屋內,難道這個神棍害怕被我追究,在我們專心聽呂瑰說話時逃之夭夭?可是她的助手仍然在啊!

「踏踏踏踏」當我正疑惑著時,隨著腳步聲,我的疑惑就解開了。

我的大門並沒有關,鐵閘外突然站著兩個身穿黑袍的人,是兩個趙師傅!不,她們當中一個應是趙師傅,另一個……是跟趙師傅一模一樣的人!

由於鐵閘沒有鎖上,其中一個趙師傅自行拉開鐵閘,二人旋即同一步伐走了進來。

「呀!」呂瑰突然驚叫著蹲了下來。

「做咩呀?」根叔想上前扶她,雙手卻撲了個空。

「呢個人……好大殺氣!」呂瑰伸手指著左面的趙師傅。

「你係邊個?」我看著她問。

「佢係我孖生家姐,佢先係真正嘅師傅,希望佢可以幫到你哋。」右面的趙師傅說。

「叫我黃師傅得啦!」左面的趙師傅,不,黃師傅說。

「又話係家姐,點解你姓黃?」我問。

「因為我好細個就跟咗另一家人長大……」黃師傅說。

「嗯。」我也不好多問,看來趙師傅是想補救她騙我們可以捉鬼的事,而請了一個真的師傳來。

這時,黃師傅目光如炬地走前了一步:「就係你?」

呂瑰不敢作聲,淚眼汪汪地看著黃師傅。

「人間唔係你應逗留嘅地方,唔好再騷擾其他人,唔係我對你唔客氣!」黃師傅怒叱著。

「唔係呀!黃師傅你有所不知,佢身世好慘架!」Suki嗚咽著說。

「所有枉死嘅人都好慘,呢個唔係一個借口!」黃師傅堅定地說。

「趙師傅……」我走前了一步,望著趙師傅,然後說:「多謝你帶黃師傅嚟,我哋唔會追究你,我知你都係一番好意;不過,我而家唔想趕呂瑰走,我想幫佢。」

「嗚嗚……」呂瑰猛地跪下,向著我們叩頭:「呢位旺師傅,我知道我唔應該咁,但係我真係好想搵返我愛人,我想再見佢一面,一面就夠!我見完佢,我自然唔會再騷擾人……嗚……不過,我唔知我唔留喺人間可以點……?」

黃師傅的眼神突然變得溫柔:「係唔係只要搵到你想搵嘅人,你就肯走?」

「係!」呂瑰一臉堅決。

「到時我可以幫你走,等你可以投胎。」黃師傅說。

「多謝!多謝你,黃師傅!」呂瑰又不停叩頭。

「咁我哋而家要幫呂瑰搵阿發!大家同唔同意?」Suki高聲說。

「好!」大夥兒包括黃師傅、趙師傳都回應著。