如果可以早點認識你,那就好了。


6. 有些人總是想找到最好,卻忘了自己是不是最好。

日期:2018-02-07

「喂!黑炭頭!」開學的第一天早上,李海棋就在操場大聲叫邱凱明的花名。

「點呀?你條仔林曉宏呢?」邱凱明依舊抱著籃球,他的皮膚看來又黑了一點,而且好像也長高了一點。

李海棋突然一臉尷尬,道:「咩我條仔呀?分……分咗手好耐啦!」

「吓?」邱凱明摸摸自己的頭髮道:「唔好意思。」

「唏!冇事啦!我都同咗另一個一齊,喺自修室識嘅……我哋……哇!」她突然驚叫起來,原來張家敏在後面撲向她,嚇了她一大跳。

張家敏搭著她的肩膀道:「另一個?咁隔離班個何家勤呢?」

「嗰個拍咗兩星期唔算啦!」

「嘩!你都換畫換得幾密架喎!」邱凱明揶揄他。

「唔好講我啦,講下你!估唔到你成日打波都升到中六,勁呀!」李海棋道。

張家敏柔聲道:「恭喜你呀!繼續努力。」

「鈴!」邱凱明正想回答,但早會的鐘聲卻響起了,學生紛紛回到自己班的位置排隊準備早會。

「咦?你……」李海棋看著走在身後的邱凱明。

「哈哈!我重讀中五,重要同你哋同班,我以為你哋知添。」他尷尬地說。

「嘖!」張家敏白了他一眼:「一定係中文唔合格啦!」

邱凱明笑嘻嘻地沒有回應,自顧自排到了隊中最後的位置,而他前方站著一個大家都不認識的男同學。

「喂!個男仔似乎係轉校生,幾靚仔喎!」李海棋笑咪咪地輕聲說。

「又睇男仔?你唔係有自修室識嗰個呢咩?你哋好似拍咗兩個月咋喎。」張家敏皺了皺眉。

「咁……如果有更好嘅,換畫都好正常啫。」李海棋甩了甩馬尾,輕聲地笑著。

有些人總是想找到最好,卻忘了自己是不是最好。

經老師介紹,他們知道那個轉校生是施子健,而才開學一個月,李海棋的男朋友就換成了施子健。

張家敏開始記不清李海棋換過多少個男朋友。

「喂。」邱凱明在小食部前喚張家敏。

「得啦!買枝水嘛!」張家敏看來有點沒精打彩。

「做乜咁頹呀?李海棋呢?」

「唉,個衰妹重色輕友,成日同獅子一齊囉!」

「獅子?施子健?乜叫得咁親密呀?」邱凱明不屑地說。

「跟李海棋叫啫。」張家敏突然伸出手板:「五蚊。」

「做乜要畀五蚊你呀?」邱凱明撥了撥她的手。

「買嘢飲嘛?」

「唔係呀!唔使買。」

「吓,咁你叫我做乜?」

「我有啲嘢想同你講。」邱凱明壓低聲線湊近她。

「咩……咩事?」她不知怎的突然覺得自己的心臟跳得好快。

一陣買完嘢飲,我哋上六樓儲物櫃附近先講,嗰度少啲我哋級嘅人。

「吓?哦。」