【都市故】彩虹站多出來的路軌


21. 逃

日期:2016-09-21

「喂,點解我哋畀人淋,但其他人會大叫嘅?」時叔問。

我未有回答他,卻是大力地深呼吸著,因為我發現街上的鬼要不是尖叫著離去,就是眼神帶著驚恐地定睛看著我們。

「象仔,乜佢哋……乜佢哋……好似望到我哋咁嘅?」時叔又問。

「係……而且……」我留意到當中有個衣著打扮奇怪,穿著白色長袍的女人正看著我們,可是她的眼神不是驚恐,而是帶著殺機。

「吼!」我還未來得及向時叔說,那女人已發出了一下怒吼,然後向我們這邊撲來!

「走呀!時叔!」我拉著時叔的手,奮力向左面的街跑去。

那女人窮追不捨,而邊大叫:「何方妖孽,速速就擒!」

我回頭時方看見,她不知何時拔出了一把白色的長劍。

「嘩!有武器架佢!」時叔也驚叫了起來。

「重講?跑啦!」我們沿大街逃走,雖然不知背後的女人是誰,但肯定是來者不善,而更令我奇怪的,是街上的鬼竟都像是看得見我們般,在我們跑過時惶恐地閃避開了!

幸好,我們跑得比那女人快,我們轉進了一條後巷,那女人似乎未有發現,從大街外四處尋找我們的身影。

「呼呼……咩事呀?嗰個咩人嚟架?」時叔彎身喘著氣。

「我都唔知,不過睇佢打扮,你覺唔覺佢好似……」我猶豫著頓了一頓。

「似?似道士囉!」時叔隨口回答,卻說中了我的想法。

「係囉!成個道士咁。」

「但係道士唔係捉鬼嘅咩?點解係捉我哋?」他用手大力拍打著疲累的大腿,道:「話時話,做乜突然街上啲鬼會見到我哋咁?」

「會唔會係因為我哋畀人淋咗啲唔知咩水?」我邊說邊嗅了嗅自己的上衣,很明顯是尿液的味道。

「唔係喎!當時我大叫緊,而樓上條友淋尿落嚟時係話我哋嘈,唔通……唔通佢聽到我講嘢而且望到我,所以淋我?」時叔道。

「咁點解佢會望到我哋?」我一邊留意著大街外的情況,一邊點回應著。

「真心唔撚知。」時叔也在我旁邊探頭望著大街。

「踏踏踏踏」突然,幾聲沉穩的腳步聲在我們身後響起,不知為甚麼,我未有回頭去看,卻已有一陣不寒而慄之感。

 

本小說已出版實體書,如欲知故事發展,歡迎到各大書店購買。