【甜到漏、毒到癲】意外愛上你


17. 渣姐的約會

日期:2017-08-17

在Alexendra房內,我垂頭喪氣的坐著。她凌厲的眼神掠過我的面前,注視著Lyle。

她冷冷地開口道:「Lyle,自從Fred同你搬埋一齊,佢就成日遲到;你熟屯門,希望你好好安排你哋嘅時間,no excuse,ok?」

Lyle像沒所謂地點了點頭:「ok。」

「咁你出返去先,我有嘢同Fred傾。」她出奇地沒有繼續罵下去。

Lyle起身離去,經過我背後時拍了一下我的肩膊。

「閂埋門吖!」Alexendra叫Lyle把房門關上。

「嗯......」而我,不知是緊張或是甚麼,無意識地發出了一下聲音。

Alexendra哄前看定了我,不知怎的我想起早上的夢境,心裡一陣緊張,她愈哄愈近,終於壓低聲線道:

「你,今日咁著幾好睇吖!以後多啲咁著。」

「吓!哦...」我吞了一下口水。

然後她把聲線壓得更低,道:「嗰張相,你冇畀人睇呀可?」

我鬆了一口氣,原來她神神秘秘是想問賣物會那張照片的事,我不禁笑了一笑:「冇呀,冇畀人睇!」

「Lyle都冇?」

「冇!」我繼續笑笑口,心想:「Lyle只係睇咗片,又冇睇相,何況都唔係我畀佢睇嘅。」

她放鬆向後靠著椅子,蹺著腿道:「OK!你可以出返去。」

我離開了她的房間回到座位,Lyle立即好奇地問我甚麼事,我只好說:「冇咩嘢,叫我唔好再遲到,再遲炒咗我。」

「冇理由架,你唔係有佢把柄喺手?」

「係囉,唉......」我隨便回應著他。

今天工作很多,我和Lyle都忙得不可開交,他也沒有怎樣煩我;到了九點左右,Alexendra拿著手袋甫離去,Lyle即拿起袋拉著我:「喂!我哋都走啦!」

「吓?Alexendra啱啱先走咋喎!」

「就係想同佢一齊走,行啦!」

我無奈地只好一起下班,來到公司門外的電梯大堂,Alexendra正在等電梯,我們跟她打了招呼,一直到離開大廈,我們三個都沒有再說話。

「喂,同佢一齊走做乜?咪又係各行各路!」我和Lyle站在大廈出口,目送Alexendra離去。

「跟我嚟!」Lyle邁步跟在Alexendra後面,我只好跟著走。

走了一個街口,我不禁開口問:「我哋唔係跟蹤佢下哇?好痴漢feel喎!」

「佢返工就惡到死,收工到底去邊嘅呢?係好似你咁毒,定係酒池肉林咁嘅呢?唔通你唔想知?」

「我......」說實話,其實我也是頗好奇的。

Alexendra沿大街走到大古坊,其間低頭在手機按了好一陣子,似乎是在發送訊息。她到了太古坊的一間Coffee Shop,找了個座位坐下,低頭在玩著手機,難道是約了朋友?

「gogogo!」Lyle輕聲地說。

「去邊?」我不解地問。

「去佢背後張枱!」

「吓?唔係啩!好變態!你去埋我份!」

「嗱!我同佢講我睇過條片架!」

「頂你,你係唔係玩嘢?」

「行啦!」

他拉著我懾手懾腳地坐到Alexendra背後,不久,一個跟ALexendra似乎差不多年紀,但感覺比較溫柔、和善的女人坐到了Alexendra對面。

那女人說:「等咗好耐?」

Alexendra答她:「唔係呀!剛剛到!」

此時,Lyle小聲地說:「嘩!一剛一柔,唔通佢哋係......一對?」