【都市故】彩虹站多出來的路軌


9. 站內

日期:2016-09-09

「停車!停車!」我大叫了起來。

「吱嘰!」的士急促的煞車聲響起,隨之而來是時叔的大喝聲:「搞乜呀屌你!」

「Coco!我見到Coco行咗入彩虹站!」我著急地說。

「你有冇睇錯,而家咁夜又冇車搭,佢入去做乜?」他邊說邊探頭望向車站入口的方向,然後疑惑地道:

「話時話,點解個站咁夜都未落閘嘅?」

剛才我一心只以為終於找到Coco,卻沒有想到現在已半夜2點多,怎麼可能地鐵站還開放著?

此刻的士就泊在地鐵入口,我和時叔側頭看著那入口,愈看,感覺愈詭異。

過了5分鐘,我終於開口道:「我真係好肯定頭先嗰個係Coco,可能……可能好似嗰晚咁,好似我咁,唔小心入咗去已經冇車搭嘅車站,Coco……Coco一定會好驚架!」我推開車門下車,往車站入口跑去。

「喂!象仔!」時叔追了下車:「喂!你係唔係畀鬼迷?又可能你睇錯呢?」

「萬一Coco真係入咗去,我一定要去救佢!」我沒有回頭卻大聲說。

「係就係,但係你一個人入去太危險!」時叔大喝著。

我終於邊跑邊回頭看著他:「咁……咁你同我一齊入去囉!」

「吓?」他猶豫了一下,但旋即便答:「OK!」

我們急步走到地鐵站入口,在外探頭探腦地觀察著,這時的地鐵站,看來除了沒有人之外,跟平時並沒有兩樣。

「象仔,嚟到就入去啦!」時叔拍了拍我的肩膀,我們並肩沿樓梯向下走,不消半分鐘便拍卡進入了閘內。

也許是心理作用,那閘內大堂三個「跳舞的肥婆」看來跟我平時所見的有點不同,只是我卻說不出當中的分別。

我和時叔乘搭往月台的電梯,來到1、2號月台。

「喂,唔多覺有人喎!」他說,聲音在空盪盪的月台迴盪著。

「我哋由車頭行到去車尾睇下先啦!」話未說完,我便急步向車尾方向走去,時叔則緊隨其後。

我仔細望遍1、2號月台上每根柱後的暗角,而時叔則隔著玻璃幕門查看對面的3、4 號月台,可是莫說是Coco,這根本連個鬼影都沒有。

「屌,都話你可能睇錯架啦!」時叔沒好氣地說。

真的是我看錯嗎?我不禁懷疑自己。

「唉!返歸先啦!聽日先再揾條女啦!」時叔拍拍我的肩膀。

我無奈地跟著他沿電梯回到車站大堂,拍卡出閘後,我們本想從剛才進來的出入口離開,可是當我們走了半道樓梯,已望到上方不遠處的那道閘子竟然已關上了……